Urdu Poetry By Mureed Baqir Ansari

Urdu Poetry By Mureed Baqir Ansari

Urdu 

اُسی کو دیس کا مُختار ہونا چاہیے تھا

کہ جس کو صاحبِ کردار ہونا چاہیے تھا

یزیدِ وقت کو بس اِتنا ہی کہوں گا میں

کہ تُجھ سا شخص سرِ دار ہونا چاہیے تھا

تُو بےگناہوں کو سُولی چڑھانا جانتا ہے

تُجھے قبیلے کا سردار ہونا چاہیے تھا

اُسی کو لوگوں نے گُمراہ کہہ کے مار دیا

زمانہ جس کا عزادار ہونا چاہیے تھا

مسل رہے ہیں اُسے آج آتے جاتے لوگ

جو آج پُھول ہے انگار ہونا چاہیے تھا

عجب نہیں ہے کہ وہ حُکمران بن بیٹھے

کہ جن کا نام ہی غدار ہونا چاہیے تھا

اُنہی کو اذنِ خُدائی دیا گیا بــــــــــــــاقرؔ

جنہیں درندوں کا سردار ہونا چاہیے تھا

مُــــــــــــــرید بــــــــــــــاقرؔ انصـــــــــــــاری

Roman Urdu 

usi ko dais ka mukhtaar hona chahiye tha

ke jis ko sahib kirdaar hona chahiye tha

yazid waqt ko bas aِtna hi kahoon ga mein

ke tujh sa shakhs sar-e daar hona chahiye tha

too be gunaaho ko SOOLI charhana jaanta hai

tujhe qabeeley ka sardar hona chahiye tha

usi ko logon ne gumraah keh ke maar diya

zamana jis ka azadar hona chahiye tha

masal rahay hain ussay aaj atay jatay log

jo aaj phool hai angaar hona chahiye tha

ajab nahi hai ke woh hukmaran ban baithy

ke jin ka naam hi ghaddar hona chahiye tha

aُnhi ko azan khudai diya gaya baqir 

jinhein darindon ka sardar hona chahiye tha

Mureed Baqir Ansari