Urdu Poetry By Mureed Baqir Ansari

Urdu Poetry By Mureed Baqir Ansari 

Urdu 

زُباں کٹی ہُوئی اور ہاتھ پاؤں چھالے ہُوئے

یہ کون لوگ ہیں بالوں میں گرد ڈالے ہُوئے

جو رات دن کسی مُفلس پہ قہر ڈھاتے تھے

لگی جو آگ تو چہرے اُنہی کے کالے ہُوئے

ہمی فقیروں نے سُورج کو تھام رکھا تھا

ہمارے بعد نہ بستی میں پھر اُجالے ہُوئے

جو مار دینے کی دیتے ہیں دھمکیاں مجھ کو

یہ سارے لوگ ہی ہیں میرے دیکھے بھالے ہُوئے

وہ چل کے خُود کئی بیساکھیوں پہ آئے ہیں

ہمارے دیس کو جو لوگ ہیں سنبھالے ہُوئے

بس ایک وہ ہی سمجھتے ہیں بےگھری کا دُکھ

خُود اپنے گھر سے کسی غیر کے نکالے ہوئے

یہ کیسا دؤر ہے بـــــــاقرؔ مُنافقت کا دؤر

ہمی کو ڈسنے لگے ہیں ہمارے پالے ہُوئے

 مُـــــــرید بـــــــاقرؔ انصـــــاری

Roman Urdu 

zuba kati hui aur haath paon chhalay huay

yeh kon log hain balon mein gird daaley huay

jo raat din kisi muflis pay qehar dhatay they

lagi jo aag to chehray aُnhi ke kalay huay

humi faqeero naay sooraj ko thaam rakha tha

hamaray baad nah bastii mein phir ujaaley huay

jo maar dainay ki dete hain dhamkian mujh ko

yeh saaray log hi hain mere dekhe bhaale huay

woh chal ke khud kayi bisakhyon pay aaye hain

hamaray dais ko jo log hain sambhale huay

bas aik woh hi samajte hain be ghiri ka dukh

khud –apne ghar se kisi ghair ke nikalay hue

yeh kaisa dour hai Baqir Munafqat ka dour

humi ko dsne lagey hain hamaray paalay huay

Mureed Baqir Ansari