Urdu Poetry

Urdu Poetry by Jameel Yousuf

Urdu 

نہ راستہ ہے نہ سنگِ نشاں ہے، رک جاؤ

جدھر نگاہ اٹھاؤ، دھواں ہے، رک جاؤ

جسے سمجھتے ہو منزل، فریبِ منزل ہے

طلب فضول، سفر رائیگاں ہے، رک جاؤ

خبر بھی بے خبری کی دلیل ہے، ٹھیرو

یقیں بھی سایۂ وہم و گماں ہے، رک جاؤ

جو کامیاب ہے وہ بھی تو کامیاب نہیں

نہ کوئی سود، نہ کوئی زیاں ہے، رک جاؤ

کسے تلاش کرو گے، کسے پکارو گے

اب اس خرابے میں کوئی کہاں ہے، رک جاؤ

ہر اک صدائے محبت، صدا بہ صحرا ہے

یہ دشتِ ہجر کراں تا کراں ہے، رک جاؤ

فسونِ عشق و محبت، فقط فسانہ ہے

وصالِ یار، فقط داستاں ہے، رک جاؤ

جمیل یوسف

Roman Urdu 

nah rasta hai nah sang e nshan hai, ruk jao

jidhar nigah uthao, dhuwan hai, ruk jao


jisay samajte ho manzil, freeb_e_ manzil hai

talabb fuzool, safar rayagan hai, ruk jao


khabar bhi be khaberi ki Daleel hai, thehrio

yaqeen bhi saya vahm o guma hai, ruk jao


jo kamyaab hai woh bhi to kamyaab nahi

nah koi sood, nah koi zayan hai, ruk jao


kisay talaash karo ge, kisay poukaro ge

ab is kharabay mein koi kahan hai, ruk jao


har ik sadaye mohabbat, sada bah sehraa hai

yeh dast-e hijar karaan taa karaan hai, ruk jao

fasoonye ishhq o mohabbat, faqat fasaanaa hai

vsalِ yaar, faqat dastan hai, ruk jao


Jameel Yousuf