Urdu Poetry

Urdu Poetry 

Urdu 

خوشبوؤں کے کنول جلاؤں گا 

سیج تو چاند پر سجاؤں گا

تُو شریکِ حیات بن جائے

پیار کی مملکت بناؤں گا

تھام لے ہاتھ میرا وعدہ ہے

تیری پازیب تک دَباؤں گا

تُو کرم ماں کے بھول جائے گی

میں ترے اِتنے ناز اُٹھاؤں گا

تیرے گُل رُخ کی تازگی کے لیے

شبنمی گیت گنگناؤں گا

خانقاہوں کے بعد تیرے لیے

مندروں میں دِئیے جلاؤں گا

مانگ تیری دَرخشاں رَکھنے کو

کہکشائیں بھی توڑ لاؤں گا

دِل کی رانی ہے، نوکرانی نہیں

اَپنے گھر والوں کو بتاؤں گا

تیرے گھر والے روز آئیں گے

اُن سے یوں رابطہ بڑھاؤں گا

گھر سے میں سیدھا جاؤں گا دَفتر

اور دَفتر سے گھر ہی آؤں گا

یاروں کے طعنے بے اَثر ہوں گے

میں ترے ساتھ کھانا کھاؤں گا

چاندنی شب میں من پسند غذا

لقمہ لقمہ تجھے کھِلاؤں گا

کاسۂ آب پہلے دُوں گا تجھے

پیاس میں بعد میں بجھاؤں گا

بھول جائے گی گھر کی اُکتاہٹ

شب تجھے اِس قَدَر گھماؤں گا

ویسے بھر آئے دِل تو رو لینا

سوچ بھی نہ کہ میں ستاؤں گا

گر خطا تجھ سے کوئی ہو بھی گئی

دیکھ کر صرف مسکراؤں گا

چند لمحے خفا ہُوئے بھی اَگر

وعدہ ہے پہلے میں مناؤں گا

رات بارہ بجے تُو سوئے اَگر

دِن کے بارہ بجے جگاؤں گا

جل گئی ہنڈیا گر کبھی تجھ سے

اَگلے دِن کھانا میں بناؤں گا

بیٹیاں ہوں یا بیٹے رَب کی عطا

دونوں کو پلکوں پر بٹھاؤں گا

کان پہ تکیہ رَکھ کے سو جانا

میرے بچے ہیں، میں سلاؤں گا

شکوہ تجھ سے کروں گا خلوت میں

سامنے سب کے گُن میں گاؤں گا

فیصلے ہم کریں گے مل جل کر

حکمِ حاکم نہیں چلاؤں گا

زَن مریدی کا طعنہ جوتی پر

مرد بن کر وَفا نبھاؤں گا

ایک دِن تیرا ایک دِن میرا

ٹی وی پر قبضہ نہ جماؤں گا

تیرا کیا واسطہ سیاست سے

بور خبریں نہیں سناؤں گا

مجھ کو حیرت ہے تُو نے سوچا کیوں

شادی کا دِن میں! بھول جاؤں گا؟

جگ منائے گا عید، دیکھ کے چاند

میں تجھے دیکھ کر مناؤں گا

بن کہے تیری بات سمجھوں گا

بن کہے دَرد جان جاؤں گا

علم، طاقت، کمائی، عقل، جمال

ایک بھی رُعب نہ جماؤں گا

جب کوئی کھیل کھیلیں گے ہم تم

سوچ کر کچھ میں ہار جاؤں گا

اَپنی ہر کامیابی کا سہرا

میں ترے سر پہ ہی سجاؤں گا

گر کبھی ایک کو بچانا ہُوا

ڈُوب کر بھی تجھے بچاؤں گا

میں فقط تجھ پہ آنکھ رَکھوں گا

میں فقط تجھ سے دِل لگاؤں گا

زَخم اور تلخی کے سوا جاناں

تجھ سے میں کچھ نہیں چھپاؤں گا

حُسن کے ڈَھلنے کی تُو فکر نہ کر

آخری سانس تک نبھاؤں گا

ہجر تقدیر نے اَگر لکھا

صرف ہلکا سا یاد آؤں گا

میری حوریں کنیز ہوں گی تری

بن ترے میں اِرم نہ جاؤں گا

تُو فقط پڑھ کے اِتنی خوش نہ ہو

میں تجھے کر کے یہ دِکھاؤں گا

اور کیا چاہیے ثبوتِ خلوص

قیس کی ہر غزل سناؤں گا

شہزادقیس

Roman Urdu 

Khoshbao ke kanwal jalao ga
sej to chaand par sajao ga

too shrikِ hayaat ban jaye
pyar ki mumlikat banao ga

thaam le haath mera wada hai
teri paazeb taq dabao ga

too karam maa ke bhool jaye gi
mein tre Itnay naz authao ga

tairay gُl rukh ki taazgee ke liye
shabnami geet gungunao ga

khanqahon ke baad tairay liye
mandaroon mein diye jalao ga

maang teri darakhshan rakhne ko
kehkashayen bhi toar lao ga

dil ki rani hai, nokraani nahi
–apne ghar walon ko batao ga

tairay ghar walay roz ayen ge
unn se yun rabita barhao ga

ghar se mein seedha jaon ga daftar
aur daftar se ghar hi auon ga

yaaron ke taanay be asar hon ge
mein tre sath khana khaon ga

chandni shab mein mann pasand ghiza
luqmah luqmah tujhy khalaon ga

kasaye aabb pehlay don ga tujhy
pyaas mein baad mein bujaon ga

bhool jaye gi ghar ki Uktahat
shab tujhy iss qadar gumaon ga

waisay bhar aaye dil to ro lena
soch bhi nah ke mein sataon ga

gir khata tujh se koi ho bhi gayi
dekh kar sir muskraon ga

chand lamhay khafa huay bhi Agar
wada hai pehlay mein manao ga

raat baara bajay too soye Agar
dِn ke baara bajay jagaon ga

jal gayi handiya gir kabhi tujh se
aglay dِn khana mein bnao ga

betiyan hon ya betay Rab ki ataa
dono ko palkon par bthaon ga

kaan pay takiya Rakh ke so jana
mere bachay hain, mein sulaon  ga

shikwah tujh se karoon ga khalwat mein
samnay sab ke gun mein gaoon ga

faislay hum karen ge mil jal kar
hukm-e haakim nahi chalaon  ga

zann mureedi ka tana jooti par
mard ban kar wafa nibaon  ga

aik dِn tera aik dِn mera
TV par qabza nah jamad

aik din tera aik din mera
TV par qabza nah jamaon  ga

tera kya vaastaa siyasat se
bore khabrain nahi staon ga

mujh ko herat hai too ne socha kyun
shadi ka din mein! bhool jaon  ga ?

jug mnaye ga eid, dekh ke chaand
mein tujhy dekh kar manao ga

ban kahe teri baat samajhon ga
ban kahe dard jaan jaon ga

ilm, taaqat, kamaai, aqal, jamal
aik bhi Roab nah jmaon ga

jab koi khail khelain ge hum tum
soch kar kuch mein haar jaon ga

Apni har kamyabi ka sehra
mein tre sir pay hi sjaon  ga

gir kabhi aik ko bachana howa
doob kar bhi tujhy bachao ga

mein faqat tujh pay aankh rakhon ga
mein faqat tujh se dil lagaon  ga

zakham aur talkhi ke siwa janan
tujh se mein kuch nahi chapaon ga

husn ke dhalnay ki too fikar nah kar
aakhri saans taq nibaon  ga

hijar taqdeer naay Agar likha
sirf halka sa yaad aoon ga

meri hooren kaneez hon gi tri
ban tre mein Erum nah jaon ga

too faqat parh ke itni khush nah ho
mein tujhay kar ke yeh dikhaon ga

aur kya chahiye saboot khuloos
Qais ki har ghazal sunaon ga